PAULUJ jalidi en Krijtuj Iejuj amen, o ri atail Timoteuj on Pilemon kompoke pat o at warok ni dodok kan. O ri atail li Apia, o jauaj pat Arkipuj, o momodijou, me mi nan tanpaj omui; Mak o popol jan ren Kot jam atail o atail Kaun Iejuj Krijtuj en mi re omui! I kin danke ai Kot ni ai kapakap kin komui anjau karoj. Pwe i roner duen omui limpok o pojon on Kaun Iejuj o on jaraui kan karoj. Pwe pojon o me mi retail en kakairida re omui, ni omui dedeki duen me mau kan karoj, me mi reatail jan ren Krijtuj. Kit peren kidar o kamait kilar omui limpok, pwe monion en jaraui kan en kelail kilar komui, ri ai. I me i aimaki ren Krijtuj kujoned eki on komui duen me pan wiaui. Ari jo, pweki ai limpok on komui i men poeki ta re omui, pwe nai Pauluj likailapalar o jalidi en Krijtuj amen. I poeki re omui nai jeri Onejimuj, me i wiadar ni ai jalidi. Me jo katepa on komui maj o, a met a katepa on komui o nai. I me i kapure on komui, komui ari apwali i, dueta pein monion i. Pwe i mauki a en mimieta re i, pwen papa ia ni ai jaliekidi ronamau, wiliandi komui, A i jota men wia meakot, me jota pwili jan kupur omui, pwe omui wia mau ender man jairen a jomanjairen. Ele a tan jan re omui anjau kij, pwe komui en pur on naineki i kokolata. Kaidin due ladu amen, a mau jan ladu amen, pwe due ri omui kompok amen; iduen re i, a re omui pan laud jan ni pali uduk a o ni pali en Kaun. Ma komui akawarok kin ia, apwali i dueta pein nai. A ma a wia japun on komui er, de pwaipwand on komui, i pan kapunala. Met nai Pauluj intinkier pein pa i, i pan pwain, ari jo, i jo pan inda, me komui pwaipwand ki on ia pein komui. Ei ri ai, i men paiekin komui ren Kaun o, kainjenemauda monion i ren Krijtuj. I kaporoporeki om peik, ap intin won komui. A i aja, me komui pan wia laud jan, me inda. I men, komui en kaonopada deu i, pwe i kaporoporeki, me i pan lapwadan komail ki omail kapakap. En Epapraj, ai warok ni ai jalidi pan Krijtuj Iejuj, a ranamau won komui. O Markuj, o Arijtarkuj, o Demaj, o Lukaj ai warok en dodok kan. Mak en atail Kaun Iejuj Krijtuj kin ian nen omail! Amen.
Pilemon 1
FIND YOUR PASSAGE
Search the Scriptures
A LIBRARY TO EXPLORE
A moment.
A passage.
A new perspective.
Read the Bible, discover the Apocrypha, and explore early Christian writings.
About this collection
This library includes complete Bibles, portions, historical variants, Apocrypha, and separately labeled early writings. Different traditions recognize different canons. Manuscript gaps and editorial reconstructions retain their source labels.
Source records assess public-domain status in the United States. Rights can differ by territory, including King James Version conditions in the United Kingdom. Read the source and rights record for each edition.
YOUR READING LIFE
Saved passages
Saved on this browser. Export a copy to keep your notes when changing devices or clearing browser data.
MAKE ROOM TO READ
Your reading space
Appearance
Reading
Listen
Offline reading
Keep an edition on this device for reading and searching while disconnected. Installed voices can read it aloud. Browser background playback varies by device.
Your privacy
Reading preferences, progress, bookmarks, highlights and notes stay in this browser using functional storage. Online reading and search send the requested edition, passage or query to the server. Prepared narration requests identify the edition, book and chapter. Ordinary hosting access and security logs can include IP addresses, requested URLs, times and basic client information. The website is free, account-free and analytics-free.